مقياس ريختر

[فهد سعيد الاحمدي(ابوخالد)]

ابو خالد =
هز الألم جوفنا واختل = يصعب على ريختر قياسه
ياهل ترى نلتقي له حل = من بعد ماضاقت انفاسه
ابو حسام =
للقلب عند الخطر انتل=يوصّل انذار لإحساسه
لو كان شفت الالم اقبل=القلب يكفيه حراسه
ابو خالد =
الحال ياصاحبي طول = شهرين وانا بهوجاسه
كل مانوى فرحنا يكمل =القى الوساويس في راسه
ابو حسام =
ابحث فالمسأله واسأل=ليكون صاب الخلل ساسه
الود مثل الزهر يذبل= يموت لظميت اغراسه
ابو خالد =
غالي ومن ودنا ينهل = اسقاني الشهد من كاسه
واليوم مشروبنا الحنظل = حتى الغلا بالقدم داسه
ابو حسام =
الصبر في وضعكم افضل=والحل يبغاله دراسه
اما يتجاوب ويتعدل=ويقدّر قلوب مياسه
ابو خالد =
شرحت له وضعنا مفصل = على دفاتر وكراسه
صابر وصبري معاهم مل = واظنها ضاعت الطاسه
ابو حسام =
لاتغير الوضع لاتبدل=سيطر على الوضع بسياسه
يمكن سلك الهوى يفصل=ويريّح قلوب محتاسه
ابو خالد =
فكتاب ربي علينا انزل = حذّر من الظلم وانجاسه
ان كان سلك المودة انحل = يدق فالجوف اجراسه
ابو حسام =
الشرح وافي لنا مكمل=والود مشروح مقياسه
ارفق على النفس لاتزمل=وخرج القلب من ياسه
لاتقول هايم وليه خل=ولا تراعي قلوب حواسه
ياللي بحرفك ذهلت الكل=مثلك بحر الهوى ساسه

[حامد علي الاحمدي]

(لمشاهدة هذه المشاركة مع الردود أضغط هنا) (http://www.ahamdh.com/vb/showthread.php?t=23491)