(الفجر الجديد)
06-02-2007, 05:15 AM
وش حال الجميع
عسى الله يديم الرفقه والمحبه قولوا امين
اليوم نبغى نتناول موضوع حساس واكيد بيزعل علي المعنيين
لكن انا لا اعمم على الجميع .
اول اهلنا لا طببونا المدرسه . يقلون للمدرسين هذا ولدنا عندكم
لكم اللحم ولنا العظام . والعباره هذه فيها شي من الترهيب اكثر
من الفعل لكن والله اننا على حس هذه الكلمه اننا ومن البدايه نحسب
الف حساب للمعلم لدرجة اننا حتى خارج المدرسه وان رأيناه في طريق
نروح مع طريق اخر .
والهيبه وعدم الهيبه ارى ان لها اسباب من وجهة نظري
** اولها: ياحباني قرارت وزارة التعليم حيث اني اتذكر كلمه للوزير السابق
الخويطر في تلك الايام (المدرسه بدون عصا فوضى) لذا اعتبر القرارات
الضعيفه لا تولد غير الضعف .وووووالخ....
** ثانيها : شخصية المعلم . بالله عليكم المعلم اللي يسمهر في
الاستراحات والقهاوي وفي ذيك اللي اسمها شوب اللي يشربون فيها
القهوه السوداء لين الفجر والبعض منهم يجي مواصل , وش يبي يعطي
للطليان . اسف للطلاب . لا واذنه فايق بدل مايشرح يكلمهم عن ناديه
المفضل , ولاعبه المميز . وتروح الحصه في مزوح , لين ياخذ عليه الطالب
وماعاد يقدره ويحترمه . وازيدكم من الشعر بيت بعض المعلمين يتبادل
مع طلابه رسائل البولوتوث !!!!!
هذا بخلاف عدم التخصص ولو فيه تخصص ماتلقى خريج علوم سياسيه
مدرس ابتدائيه . وا غلبهم لم يأخذ دورات تربويه ...
** الثالثه : يابنيخي الطالب اللي ابوه يعتبر الحاضر الغايب حيث ان هذا
الابو المقرود , يحسب نفسه ملك زمانه ويتشدق ويقول الحمد لله
سواق وجبنالهم - وشغاله تلقمهم حتى لو يبغوا في افواههم
ودش وجبناه - وجوالات بالكميرا اشترينا - واكل وشرب الحمدلله
وملابس احسن ماركات - وسويت لهم سكن مافيه مثله عند الربع كلهم
يامسيكين تربيه واخلاق ولدك والله ماتدري عنها . لو تدري يالمسيكين
الجوال فقط وش لون عفس حياة ابنك كان متتبجح بهذا الكلام .
لا ولو الولد هذا جاء يوم يتهنجم وقال بابا المدرس الفلاني خجلني
قدام اصحابي عشان ماجبت الواجب . تلقى هذا الاب سار نمر .
وتشخص ودخل المدرسه بكل عنجهيه ويكفل له نظام الوزاره صيحاته
هذه تلقاه يقول وين المدرس هاذا انا اسوي واسوي واشتكي للتعليم
وارفع واعمل . والكل يقوله حاضر ابشر ابنك على حق وسنعاقب المعلم
رغم ان الابن قليل ادب ومحضر في شنطته ما هو ممنوع . وووووالخ
وتلقاه يقل ادبه على المعلم بشكل يومي .
عموماً ومالكم بطوالها , قولوا امين الله لايجيب الزمن اللي تروح الشغاله
مع الابن المدرسه عشان في الفسحه تسويله الاندومي
والله لايجيب اليوم اللي يداوم المعلم فيه وفي جيبه ورقة البالوت
عشان يكمل الصكه في الفسحه .
والله لايجيب اليوم اللي يرسل الاب السائق بدلاً منه ليحضر مجلس
اولياء الامور .
ومن عاش بيشوف الكثير .
مع تحياتي لكل اب ولكل معلم ناجح في حياته العمليه .
لاننا لا ننسى فضل من علمنا حرفاً ونكن لهم كل احترام وتقدير
الفجر الجديد
عسى الله يديم الرفقه والمحبه قولوا امين
اليوم نبغى نتناول موضوع حساس واكيد بيزعل علي المعنيين
لكن انا لا اعمم على الجميع .
اول اهلنا لا طببونا المدرسه . يقلون للمدرسين هذا ولدنا عندكم
لكم اللحم ولنا العظام . والعباره هذه فيها شي من الترهيب اكثر
من الفعل لكن والله اننا على حس هذه الكلمه اننا ومن البدايه نحسب
الف حساب للمعلم لدرجة اننا حتى خارج المدرسه وان رأيناه في طريق
نروح مع طريق اخر .
والهيبه وعدم الهيبه ارى ان لها اسباب من وجهة نظري
** اولها: ياحباني قرارت وزارة التعليم حيث اني اتذكر كلمه للوزير السابق
الخويطر في تلك الايام (المدرسه بدون عصا فوضى) لذا اعتبر القرارات
الضعيفه لا تولد غير الضعف .وووووالخ....
** ثانيها : شخصية المعلم . بالله عليكم المعلم اللي يسمهر في
الاستراحات والقهاوي وفي ذيك اللي اسمها شوب اللي يشربون فيها
القهوه السوداء لين الفجر والبعض منهم يجي مواصل , وش يبي يعطي
للطليان . اسف للطلاب . لا واذنه فايق بدل مايشرح يكلمهم عن ناديه
المفضل , ولاعبه المميز . وتروح الحصه في مزوح , لين ياخذ عليه الطالب
وماعاد يقدره ويحترمه . وازيدكم من الشعر بيت بعض المعلمين يتبادل
مع طلابه رسائل البولوتوث !!!!!
هذا بخلاف عدم التخصص ولو فيه تخصص ماتلقى خريج علوم سياسيه
مدرس ابتدائيه . وا غلبهم لم يأخذ دورات تربويه ...
** الثالثه : يابنيخي الطالب اللي ابوه يعتبر الحاضر الغايب حيث ان هذا
الابو المقرود , يحسب نفسه ملك زمانه ويتشدق ويقول الحمد لله
سواق وجبنالهم - وشغاله تلقمهم حتى لو يبغوا في افواههم
ودش وجبناه - وجوالات بالكميرا اشترينا - واكل وشرب الحمدلله
وملابس احسن ماركات - وسويت لهم سكن مافيه مثله عند الربع كلهم
يامسيكين تربيه واخلاق ولدك والله ماتدري عنها . لو تدري يالمسيكين
الجوال فقط وش لون عفس حياة ابنك كان متتبجح بهذا الكلام .
لا ولو الولد هذا جاء يوم يتهنجم وقال بابا المدرس الفلاني خجلني
قدام اصحابي عشان ماجبت الواجب . تلقى هذا الاب سار نمر .
وتشخص ودخل المدرسه بكل عنجهيه ويكفل له نظام الوزاره صيحاته
هذه تلقاه يقول وين المدرس هاذا انا اسوي واسوي واشتكي للتعليم
وارفع واعمل . والكل يقوله حاضر ابشر ابنك على حق وسنعاقب المعلم
رغم ان الابن قليل ادب ومحضر في شنطته ما هو ممنوع . وووووالخ
وتلقاه يقل ادبه على المعلم بشكل يومي .
عموماً ومالكم بطوالها , قولوا امين الله لايجيب الزمن اللي تروح الشغاله
مع الابن المدرسه عشان في الفسحه تسويله الاندومي
والله لايجيب اليوم اللي يداوم المعلم فيه وفي جيبه ورقة البالوت
عشان يكمل الصكه في الفسحه .
والله لايجيب اليوم اللي يرسل الاب السائق بدلاً منه ليحضر مجلس
اولياء الامور .
ومن عاش بيشوف الكثير .
مع تحياتي لكل اب ولكل معلم ناجح في حياته العمليه .
لاننا لا ننسى فضل من علمنا حرفاً ونكن لهم كل احترام وتقدير
الفجر الجديد